काठमाडौं– सुदूरपश्चिम प्रदेशको बझाङमा भूकम्पको धक्का महसुस भएको छ। राष्ट्रिय भूकम्प मापन तथा अनुसन्धान केन्द्रका अनुसार मंगलबार बिहानै भूकम्पको धक्का महसुस गरिएको हो। 

बझाङ डीएसपी ज्ञानबहादुर विष्टका अनुसार बिहान ६ बजेर ३ मिनेट जाँदा भूकम्पको धक्का महसुस गरिएको हो। 

दुर्गाथली गाउँपालिकाको सैनपसेला केन्द्रबिन्दू भएर ४ दशमलव १ म्याग्निच्यूडको भूकम्प गएको उनले जानकारी दिए। सुदूरपश्चिमका अन्य पहाडी जिल्लामा पनि भूकम्पको धक्का महसुस गरिएको बताइएको छ। भूकम्पको धक्का महसुस गरिए पनि क्षति भए/नभएको बारे कुनै जानकारी नआएको डीएसपी विष्टले जानकारी दिए।