काबुल। अफगानिस्तानको राजधानी काबुलमा बुधबार राती चार ठाउँमा बम बिस्फोट भएको छ। बम बिस्फोटको घटना एउटा मस्जिद तथा उत्तरी शहर मजार–ए–शरीफस्थित यात्रु भ्यानमा भएको थियो। 

मस्जिदमा भएको बिस्फोटमा ५ जनाको निधन भएको स्थानीय प्रहरीले पुष्टी गरेको छ। इो घटनामा थप २ जना गम्भीर रूपले घाइते छन्। तर, काबुलो आपतकालीन अस्पतालले ट्वीट गर्दै बिस्फोटमा ५ जनाको निधन भएको र एक दर्जन व्यक्ति घाइते अवस्थामा रहेको बताएको छ। 

यस्तै, उत्तरी बल्ख प्रान्तमा यात्रु भ्यानमा भएको तीन वटा बिस्फोटको घटना शिया समुदायलाई लक्षित गरेर राखिएको थियो। यो घटनामा ९ जनाको निधन भएको र १५ घाइते भएको बताइएको छ। 

अफगानिस्तानमा पछिल्लो ३५ दिनमा ५ ठूलो बिस्फोटको घटना भइसकेका छन्। यसमा ४८ जनाको निधन भइसकेको छ। पछिल्लो बिस्फोटको घटनाको जिम्मेवारी इस्लामिक स्टेटले लिएको छ। उसको निशानामा अहिले अफगानिस्तानमा अल्पसंख्यक रहेका शिया समुदाय छन्।