यदि तपाईं लामो आयु बाँच्न चाहनुहुन्छ भने, आफ्नो आहारमा सुधार गर्नु धेरै महत्त्वपूर्ण छ किनभने उचित आहारको मद्दतले तपाईंले आफ्नो आयुमा १०-१३ वर्ष थप्न सक्नुहुन्छ।

कसलाई लामो र स्वस्थ जीवन बिताउन मन हुँदैन ?  सबैको सपना हुन्छ, आफ्नो परिवार र पार्टनरसँग लामो जीवन बिताउने, साथै फिट पनि रहने। यद्यपि, यदि तपाईंले आफ्नो आहारको ख्याल राख्नुभयो भने यो इच्छा सजिलै पूरा हुन सक्छ।

किनभने अनुसन्धानले के देखाएको छ भने तपाईंले के खानुहुन्छ त्यसले तपाईंको आयुमा मात्र नभई तपाईंको जीवनको गुणस्तरमा पनि गहिरो प्रभाव पार्छ । प्लस मेडिकल जर्नलमा प्रकाशित २०२२ को अध्ययन अनुसार, दीर्घायु-केन्द्रित आहारमा सचेत रहनाले व्यक्तिको आयुमा १०-१३ वर्ष बृध्दि हुनसक्छ।

यदि तपाईं पनि आफ्नो आयुमा १० वर्ष थप्न चाहनुहुन्छ भने, तपाईंले आफ्नो आहारमा केही खानेकुराहरू समावेश गर्न सक्नुहुन्छ जसले तपाईंलाई उमेर बढ्दै जाँदा फिट र स्वस्थ राख्नेछ। यहाँ आयु बढाउने ७ वटा खानेकुराहरूको सूचीबारेमा चर्चा गरिएको छ ।

लामो आयु बाँच्न के खाने ?

एक इन्स्टाग्राम भिडियोमा, प्रसिद्ध स्वास्थ्य प्रशिक्षक एलेजान्ड्रा रफले विज्ञानले सिध्द गरेका केही शक्तिशाली खाद्य वस्तुहरू साझा गरेकी छिन्, जुन तपाईंको आहारमा थप्दा तपाईंलाई लामो समयसम्म बाँच्न, राम्रो उमेरको देखिन र आफूलाई अद्भुत महसुस गर्न मद्दत गर्नेछ:

किवी र ब्लूबेरी

यी दुवै फलफूल धेरै स्वास्थ्य लाभ प्रदान गर्ने कुरामा परिचित छन्। किवी भिटामिन सी र फाइबरले भरिपूर्ण हुन्छ, त्यसैले यसलाई दैनिक खाँदा प्रतिरक्षा प्रणाली बढाउन र मुटुको स्वास्थ्यमा सुधार आउन सक्छ। साथै, ब्लुबेरीमा एन्टिअक्सिडेन्ट प्रशस्त मात्रामा पाइन्छ, जसले  मस्तिष्क र मुटुलाई सुरक्षित राख्न मद्दत गर्छ।

बेसार

यो शक्तिशाली मसला हो, यसलाई स्वास्थ्य लाभको लागि विश्वव्यापी रूपमा मन पराइन्छ र प्राचीन समयदेखि नै विभिन्न रोगहरूको उपचार गर्न प्रयोग हुँदै आएको छ। हरेक घरका भान्सामा बेसार अभिन्न मसला रहीआएको छ ।

बेसारमा करक्यूमिन नामक शक्तिशाली यौगिक पदार्थ हुन्छ, जसले जोर्नीको पुरानो सूजन र बुढ्यौली कम गर्न मद्दत गर्छ।

ओखर

यो एकदमै फाइदाजनक बदाम हो, यसलाई दैनिक सेवन गर्नु तपाईंको स्वास्थ्यको लागि धेरै फाइदाजनक साबित हुन सक्छ। यसमा ओमेगा-३ फ्याटी एसिड, एन्टिअक्सिडेन्ट र फाइबर प्रशस्त मात्रामा पाइन्छ। यो मस्तिष्क र मुटुको स्वास्थ्यको लागि लाभदायक छ र तौल व्यवस्थापनमा पनि ओखरले मद्दत गर्न सक्छ।

ब्रोकाउली र एभोकाडो

यी दुवै अत्यन्तै लाभदायक खानेकुरा हुन् जुन तपाईंले बढी खानुपर्छ। सल्फोराफेनमा समृद्ध ब्रोकाउलीले विषाक्त पदार्थलाई हटाउन मद्दत गर्छ र क्यान्सरको जोखिम कम गर्छ। साथै, एभोकाडोमा स्वस्थ बोसो हुन्छ जो सूजनसँग लड्छ र तपाईंको छालालाई पोषण दिन्छ।

हरियो चिया

यसको अतिरिक्त, तपाईं आफ्नो आहारमा हरियो चिया समावेश गर्न सक्नुहुन्छ। हरियो चियामा धेरै स्वास्थ्य लाभहरू छन्। यो क्याटेचिनले भरिपूर्ण हुन्छ, जसले कोषीय स्वास्थ्यलाई सहयोग  गर्दछ। यो तपाईंको मस्तिष्क र मुटुको लागि पनि लाभदायक छ।

यसको सेवन गर्नाले मधुमेह लगायत धेरै रोगहरूको जोखिम पनि कम गर्न सकिन्छ।  (journals.plos.org)