शनिबार , 8 कार्तिक 2082
काठमाडौं । अमेरिकाको गुप्तचर एजेन्सी सीआईए सरकार ढाल्ने, नेताहरुको ज्यान लिने, देशबीच द्वन्द्व सिर्जना गर्ने जस्ता कुराले विश्वभर चर्चित मानिन्छ । सिआइएले नागरिक विद्रोहलाई उक्साएर, सरकारहरू गिराएर र अमेरिकाको आधिपत्य स्थापना गरेर सरकारहरूमा दबाब बढाउने गरेको आरोप पनि रही आएको छ।
अर्गनाईजर डट ओआरजी (https://organiser.org) नामको अंग्रेजी भाषी अनलाईन न्यूज पोर्टलले हिजो शुक्रबार प्रकाशित गरेको समाचारको हवाला दिँदै नवभारत टाईम्स (navbharattimes.indiatimes.com) ले आज प्रकाशित गरेको समाचारमा यो विवरण प्रकाशित गरिएको छ ।
पछिल्लो समय पाकिस्तान, नेपाल र बंगलादेशमा के भएको छ। दक्षिण एसियामा विगत केही वर्षदेखि सीआईए निकै सक्रिय रहेको र छिमेकी मुलुक भारतमा देखिने हरेक नाटकमा सीआईए निकै सक्रिय रहेको दाबी गरिएको छ ।
अर्गनाईजरको समाचार अनुसार, बंगलादेशको राजधानी ढाकामा एक अमेरिकी अधिकारीको रहस्यमय मृत्युसँग सम्बन्धित छन्। गत अगस्ट ३१ मा बंगलादेशको ढाकामा रहेको एउटा होटलको कोठामा अमेरिकी विशेष फौजका अधिकृत टेरेन्स अर्भेल ज्याक्सनको रहस्यमय मृत्युको घटनाले दक्षिण एसियाभर विशेष गरी भारतको भित्री क्षेत्रमा अमेरिकी गुप्तचर गतिविधिको बारेमा आशंका बढेको छ।
अमेरिकी सुरक्षा अधिकारीको मृत्युमा भारत र प्रधानमन्त्री नरेन्द्र मोदीलाई निशाना बनाउने उद्देश्यले अमेरिकी अधिकारीलाई ढाकामा तैनाथ गरेको हो कि भनेर आशंका व्यक्त गरेको अर्गनाईजरमा उल्लेख छ ।
विज्ञहरुलाई उद्धृत गर्दै अर्गनाईजरले प्रधानमन्त्री मोदीको हत्या गर्ने योजना र प्रयास हुन सक्ने अनुमान गरेको छ । जसलाई भारत र रुसको गुप्तचर निकायको संयुक्त अपरेशनले असफल पारेको थियो ।
प्रतिवेदनमा धेरै सुराग र घटनाहरू थपेर, ज्याक्सनलाई भारत र विशेष गरी प्रधानमन्त्री नरेन्द्र मोदी विरुद्ध कुनै गोप्य कारबाही वा काममा खटाइएको अनुमान गरिएको छ, तर उनको योजना असफल भयो।
अमेरिकी अधिकारी टेरेन्स अर्भेल ज्याक्सन अगस्ट ३१ मा ढाकाको आफ्नो होटलको कोठामा मृत फेला परेका थिए। अर्गनाईजरको दाबी छ कि उनलाई बंगलादेशमा तैनाथ गरिएको थियो। यसको उद्देश्य सेन्ट मार्टिन टापुको सम्बन्धमा बंगलादेशी सेनालाई प्रशिक्षण दिनु हुन सक्छ।
अमेरिकी अधिकारी टेरेन्स अर्भेल मृत फेला परेको दिन प्रधानमन्त्री मोदी सांघाई सहयोग संगठन (एससीओ) शिखर सम्मेलनमा भाग लिन चीनको तियानजिनमा थिए।
शिखर वार्तापछि प्रधानमन्त्री मोदी र रुसी राष्ट्रपति भ्लादिमिर पुटिनले कारभित्र लामो समयसम्म एक्लै कुराकानी गरे । तियान्जिनमा भएको मोदी-पुटिनको यो भेटको निकै चर्चा भयो र विश्वव्यापी कभरेज भयो।
प्रधानमन्त्री मोदी र राष्ट्रपति पुटिनको नेतृत्वमा भारतीय र रुसी गुप्तचर फौजले संयुक्त कारबाहीमा ढाकामा अमेरिकी सुरक्षा अधिकारीको हत्या गरेको जसले प्रधानमन्त्री मोदीको हत्या गर्ने योजना बनाएको थियो भनेर अर्गनाईजरले प्रकाशित गरेको समाचारलाई नवभारत टाइम्सले हिन्दी भाषामा पुनप्रकाशित गरेको छ ।
यो सम्भव छ कि प्रधानमन्त्री मोदी र राष्ट्रपति पुटिनले तियानजिनमा कार भित्र ४५ मिनेटको दुइजनाबीचको अनौपचारिक कुराकानीमा यो धेरै उच्च प्रोफाइल र गहन एजेन्डा बारे छलफल गरेका हुनसक्छ।
सायद मोदी र पुटिनबीच गोप्य छलफल भएको दिन ढाकामा अमेरिकी अधिकारी मृत फेला परेका थिए ।
प्रधानमन्त्री मोदीको भनाइलाई हाइलाइट गर्ने प्रयास गर्दै अर्गनाईजर ले लेखेको छ, सेप्टेम्बर २ मा, चीनको तियानजिनबाट फर्केको ठीक भोलिपल्ट, प्रधानमन्त्री मोदीले नयाँ दिल्लीमा सेम्कॉन शिखर सम्मेलनलाई सम्बोधन गरेका थिए। जहाँ उनले सहभागीहरुलाई प्रश्न गरेजस्तो गरी निकै अर्थपूर्ण प्रसंग उठाएका थिए, ‘के म चीन गएकाले ताली बजाउँदै हुनुहुन्छ कि म सकुशल फर्केर आएको भनेर ?
विश्लेषकहरूका अनुसार प्रधानमन्त्री मोदीका यी गुप्त टिप्पणीहरूले गम्भीर सन्देश दिन्छ। यसमा प्रधानमन्त्रीको ज्यानमा खतरा रहेको सन्देश पठाइएको छ ।
डोनाल्ड ट्रम्पले विगत केही महिनादेखि लगातार भारत विरोधी बयान दिइरहेका छन् । उसले पाकिस्तानलाई समर्थन गरिरहेको छ । प्रधानमन्त्रीले पनि मोदीका लागि अप्ठ्यारो वातावरण सिर्जना गर्दै राजनीतिक बयान दिइरहेका छन् भनेर समाचारमा विश्लेषण गरिएको छ।
ट्रम्पले भारतमा पनि ५० प्रतिशत भन्सार लगाएका छन्, त्यसैले सबै छिमेकी राष्ट्रलाई सताएर अमेरिकाले अब भारतलाई अस्थिर बनाउन खोजेको हो कि भनेर प्रश्न उठिरहेको छ ?
के नेपाल, बंगलादेश वा श्रीलंकामा भएको जस्तै भारतलाई अस्थिरताको आगोमा डुबाउन सीआईए चाहन्छ ? नवभारत टाइम्सले आफू यसको पुष्टि गर्न असमर्थ रहेको भन्दै यस्तो टिप्पणी गरेको छ । (फायल तस्बिर- मोटरमा सँगसँगै पुटिन र मोदी)
यो पनि पढौं-
प्रतिक्रिया