विराटनगर। नेपाली कांग्रेसका महामन्त्री विश्वप्रकाश शर्मा झापा–१ बाट प्रतिनिधिसभा सदस्यमा विजयी हुने अब निश्चित देखिएको छ। पछिल्लो मत परिणाम अनुसार शर्माले नेकपा एमालेका अग्नि खरेललाई निकै पछि छोडेका छन् ।

झापा एकमा ८१ हजार ७६४ मत खसेकामा ७० हजार ३७३ मत गणना भइसकेको छ । ११ हजार ३९१ मतमात्रै गणना हुन बाँकी   छ । हालसम्मको गणनामा शर्माले खरेलभन्दा १२ हजार ६८० बढी मत ल्याइसकेका छन् ।

शर्माले ३४ हजार ५०८ मत ल्याएका छन् । एमालेका खरेलले २१ हजार ८२८ मत प्राप्त गरेका छन् ।
 
यसअघि ०७० र ०७४ मा निरन्तर पराजित भएका शर्माले तेस्रो प्रयासमा संसदमा प्रवेश पाउने निश्चित भएको छ ।