शुक्रबार, १४ बैशाख २०८१
काठमाडौं– अन्तर्राष्ट्रिय टी–२० क्रिकेट श्रृंखलाको दोस्रो खेलमा पनि भारत दक्षिण अफ्रिकासँग पराजित भएको छ। घरेलु टोली भारतलाई पाहुना टोली दक्षिण अफ्रिकाले गएराति सम्पन्न खेलमा ४ विकेटले पराजित गरेको हो।
भारतले दिएको १४९ रनको लक्ष्य पछ्याएको दक्षिण अफ्रिकाले १८ ओभर २ बलमा ६ विकेट गुमाएर पूरा गर्यो। दक्षिण अफ्रिकाका लागि हेन्रिच क्लासेनले सर्वाधिक ८१ रन बनाए। यस्तै, भारतका भुवनेश्वर कुमारले सर्वाधिक ४ विकेट लिएका थिए।
यसअघि टस हारेर पहिले ब्याटिङ गरेको भारतले २० ओभरमा ६ विकेट गुमाएर १४८ रन मात्र जोड्न सक्यो। भारतका लागि श्रेयस इयरले ४० तथा इशान किशनले ३४ रन बनाए।
दक्षिण अफ्रिकाका एन्रिच नोर्कियाले २ विकेट लिए। जितसँगै दक्षिण अफ्रिकाले २–० को अग्रता बनाएको छ।
प्रतिक्रिया