फेब्रुअरी १७ अर्थात् ५ फागुनमा हुनगैरहेको सूर्यग्रहण कुम्भ राशिमा लाग्दैछ। यस सूर्यग्रहणमा ग्रहहरूको निकै अद्भुत संयोग बनिरहेको छ। ज्योतिषीय दृष्टिकोणले यो सूर्यग्रहण निकै महत्त्वपूर्ण हुने देखिन्छ। कुम्भ राशिमा एकसाथ पाँच ग्रहहरूको संयोग बन्दैछ। यस्ता छन् सूर्यग्रहणसँग जोडिएका ५ ठूला अपडेटहरू।

यस वर्षको पहिलो सूर्यग्रहण लाग्न गइरहेको छ। फेब्रुअरी १७ मा लाग्ने यो सूर्यग्रहण धेरै हिसाबले विशेष प्रकारको हुनेछ। वास्तवमा, यस पटक सूर्यग्रहण लाग्दा सूर्यका साथै अन्य चार ग्रहहरू पनि कुम्भ राशिमा गोचर गर्नेछन्। ग्रहहरूको यस्तो संयोग करिब ३७ वर्षपछि बनेको हो। यस्तो दुर्लभ संयोग धेरै वर्षपछि बनेकाले, आउनुहोस् यस वर्षको सूर्यग्रहणसँग जोडिएका ५ ठूला कुराहरू विस्तारमा जानौं।

सूर्यग्रहणसँग जोडिएका ५ ठूला अपडेटहरू

१. समय र नक्षत्र: फेब्रुअरी १७ मा लाग्ने सूर्यग्रहण कुम्भ राशि र धनिष्ठा नक्षत्रमा लाग्नेछ। अर्थात्, सूर्य यस समय कुम्भ राशिमा रहनेछन् र धनिष्ठा नक्षत्रको चौथो चरणमा प्रवेश गर्नेछन्।

२. ग्रहहरूको संयोगस् सूर्यग्रहणका बेला सूर्यसँगै कुम्भ राशिमा राहु, बुध, शुक्र र चन्द्रमा रहनेछन्। यसअघि यस्तो योग ७ मार्च १९८९ मा बनेको थियो।

३. ग्रहण योगस् राहु र सूर्य एकसाथ कुम्भ राशिमा बसेर 'ग्रहण योग' बनाउनेछन्, जसलाई ज्योतिषीय दृष्टिले शुभ मानिँदैन।

४. समय तालिका: भारतीय समय अनुसार सूर्यग्रहण फेब्रुअरी १७ को दिउँसो ३:२६ बजे सुरु भएर साँझ ७:५७ बजे समाप्त हुनेछ। सूतक काल ग्रहण लाग्नुभन्दा ठीक १२ घण्टा अगाडि अर्थात् मध्यरात ३:२६ बजेदेखि नै आरम्भ हुनेछ।

५. अवधि र दृश्यता: सूर्यग्रहणको कुल अवधि ४ घण्टा ३२ मिनेटको रहनेछ। यो 'कंकण सूर्यग्रहण' हुनेछ। भारतबाहेक यो ग्रहण दक्षिण अफ्रिका, मौरिसस, बोत्स्वाना, मोजाम्बिक, जिम्बाब्वे, जाम्बिया, तान्जानिया, नामिबिया र अमेरिकाका दक्षिणी देशहरूमा देखिनेछ।
 
सन् २०२६ को दोस्रो सूर्यग्रहण कहिले लाग्नेछ? 

यस वर्षको दोस्रो सूर्यग्रहण अगस्ट महिनामा लाग्नेछ। १२ अगस्ट २०२६ मा लाग्ने उक्त ग्रहण 'पूर्ण सूर्यग्रहण' हुनेछ, यद्यपि यो पनि भारत र नेपालमा देखिने छैन। साथै, सन् २०२६ को पहिलो चन्द्रग्रहण मार्च ३ मा लाग्न गइरहेको छ।

२०२६ को फेब्रुअरीमा परेको यो सूर्यग्रहण मुख्यतया कुम्भ राशि र शतभिषा नक्षत्र वरपर केन्द्रित देखिन्छ। 
यसको प्रभाव यस्तो रहन सक्छ-

१. सकारात्मक प्रभाव पर्ने राशिहरू 

मेष, मिथुन, र धनु: यी राशि भएका व्यक्तिहरूका लागि पदोन्नति, नयाँ अवसर, र आर्थिक लाभको योग देखिन्छ। रोकिएका कामहरू बन्न सक्छन्।

२. मध्यम प्रभाव पर्ने राशिहरू 

सिंह, तुला, र कुम्भ: यी राशिहरूलाई केही मानसिक तनाव हुन सक्छ, तर निर्णय लिने क्षमतामा वृद्धि हुनेछ। स्वास्थ्यमा भने विशेष ध्यान दिनुपर्ने देखिन्छ।

३. सावधानी अपनाउनुपर्ने राशिहरू 

कर्कट, वृश्चिक, र मीन: यी राशि भएका व्यक्तिहरूले आर्थिक कारोबार गर्दा र यात्रा गर्दा सतर्क रहनु राम्रो हुन्छ। पारिवारिक कलहबाट बच्न वाणीमा नियन्त्रण राख्नुपर्ला।
 
विशेष: ज्योतिष शास्त्र अनुसार ग्रहणको समयमा ध्यान गर्ने, मन्त्र जप गर्ने र ग्रहण सकिएपछि दान-दक्षिणा गर्नाले नकारात्मक प्रभाव कम हुने विश्वास गरिन्छ। (एजेन्सीहरुबाट)