शुक्रबार, १४ बैशाख २०८१
आश्वासनको माैसम
वर्षा र हिउँद जस्तो
हरेक साल आउँदैन
आश्वासनको माैसम ।
भर्खरै जन्मेको शिशु
स्कूल जाने भएपछि
बल्ल आउँछ टुप्लुक्क
साँझको अतिथिजस्तो
तर तिथि तोकेर आउँछ ।
जन्ती लिएर आउँछ
घरघरमा पोको बाँड्छ
सुन्दर सपना बाँड्छ
केटाकेटीलाई मिठाइ बाँड्छ
बाआमाको गोडा ढोक्छ
नानीहरूलाई अँगालो हाल्छ।
आश्वासनको माैसम
फेरि आएको छ गाउँ - शहरमा
जताततै दाैडिन्छ टोल र शहरमा।
कसैको सुखमा कसैको दुःखमा
खाँचो टार्न सक्दैन सधैंसधै नानीहरुलाई
यति हुँदा पनि गर्वोन्मत्त छाैँ ।
.कम्तिमा हामीले
पाइरहेका छाैँ आश्वासन
त्यसमैँ रमाउन अभ्यस्त भयाैँ
केही नपाए पनि नक्कली बाचा सुनेर
प्रशन्न छाैँ हामी ।
प्रतिक्रिया