झापा। विपरीत दिशाबाट आउँदै गरेका जीप र मोटरसाइकल एकअर्कासँग ठोक्किदा झापामा मोटरसाइकलमा सवार तीन जनाको मृत्यु भएको छ। झापाको शिवसताक्षी–८ झिलझिलेमा बुधबार बिहान दुर्घटनामा परी मोटरसाइकलमा सवार तीनै जनाको मृत्यु भएको र उनीहरूको सनाखत हुन बाँकी रहेको प्रहरीले जनाएको छ।

पूर्वपश्चिम राजमार्गअन्तर्गत दमकबाट सुरुङ्गातर्फ जाँदै गरेको मे ३ प ५००१ नम्बरको मोटरसाइकल र विपरीत दिशाबाट आउँदै गरेको प्र. १–०१–००१ च ९३२९ नम्बरको जीप एकआपसमा ठोक्किएका थिए। जीप चालकलाई भने प्रहरीले नियन्त्रणमा लिएको जिल्ला प्रहरी कार्यालय झापाका प्रवक्ता कृष्णकुमार चन्दले जानकारी दिए।  (नेपाल न्यूज बैंक)