काठमाडौं। कोरोना महामारीका कारण स्थगित एशियन गेम्स २३ अक्टुबर २०२३ देखि सुरु हुने भएको छ। ओलम्पिक काउन्सिल अफ एशिया (ओसिए) को मंगलबार बसेको बैठकले यसको निर्णय गर्दै प्रतियोगिता ८ अक्टुबरसम्म चल्ने बताएको छ।
एशियन गेम्स यसअघि १०–२५ सेप्टेम्बर २०२२ मा आयोजना हुने तय थियो। तर, चीनमा कोरोना संक्रमण बढेपछि ६ मेमा खेल स्थगित गर्ने निर्णय भएको हो। ओसिएले अघिल्लो वर्ष तय भएको प्रतियोगिता अन्य अन्तर्राष्ट्रिय खेल प्रतियोगिताको क्यालेन्डरसँग नजुध्ने बताएको छ।
चिनियाँ आयोजक कमिटीले १ करोड २० लाख जनसंख्या भएको हाङझु शहरमा ५६ खेलको मैदान तयार भएको बताएको छ। यही मैदानमा एशियन गेम्स र एशियन पारा गेम्स हुनेछ।
प्रतिक्रिया