जहिले पनि भारतमा डिन्डिगुल थलप्पाकट्टीको नाम आउँछ, तब दिमागमा उत्कृष्ट स्वाद भएको बिरयानी साम्राज्यको तस्विर आउँछ। तर यो प्रख्यात ब्रान्डलाई आधुनिक र पारिवारिक पहिचान दिने दीपिका नागासामी आज व्यापारको दुनियाँमा अर्को एउटा नयाँ इतिहास रचिरहेकी छिन्। फूड इन्डस्ट्रीमा आफ्नो वर्चस्व जमाएपछि अब उनले ब्युटी सेक्टरमा पाइला चालेकी छिन् र आफ्नो नयाँ स्किनकेयर स्टार्टअप डिप्सी मार्फत सफलताको एउटा नयाँ कथा लेखिरहेकी छिन्।

सफलताको कथा: ठेला चलाउनेले कति कमाउँछ होला भनेर नसोच्नुहोस्, ५ लाखको ऋणबाट आज ३ करोडको बिजनेस, यस्तो छ अन्तर कथा।
 
दीपिकाको बाल्यकाल कुनै ठूलो वा धनी व्यापारिक घरानामा नभई एकदमै साधारण र अनुशासित वातावरणमा बित्यो। उनका पिता एक प्रहरी अधिकारी थिए र आमा गृहणी थिइन्। फेसन र टेक्सटाइलको पढाई पूरा गरेपछि उनको विवाह थलप्पाकट्टी परिवारमा भयो।

एउटा मध्यम वर्गीय परिवारबाट अचानक यस्तो ठूलो व्यापारिक घराना, जहाँ हरेक व्यक्ति काममा व्यस्त हुन्थे, त्यहाँ पुग्नु उनका लागि बिल्कुलै नयाँ अनुभव थियो। तर दीपिकाका सासू(ससुरा र पतिले उनलाई सधैं अगाडि बढ्न र आफ्ना निर्णयहरू आफैं लिन पूर्ण स्वतन्त्रता र प्रोत्साहन दिए।

फेरियो ५०० करोडको व्यापारको भाग्य

दीपिकाले थलप्पाकट्टीको मार्केटिङ टोलीमा सामेल भएर आफ्ना पति सतीशको परिकल्पनालाई यथार्थमा उतार्ने काम गरिन्। उनले यस परम्परागत ब्रान्डमा दुईवटा ठूला क्रान्तिकारी परिवर्तनहरू ल्याइन्।

पारिवारिक पहिचानस् पहिले बिरयानीका पसलहरूलाई केवल पार्सल काउन्टर वा पुरुषहरू जम्मा हुने ठाउँका रूपमा लिइन्थ्यो, जहाँ परिवारका सदस्यहरू जान हिचकिचाउँथे। दीपिकाले यसको रिब्रान्डिङ गरिन् र यसलाई महिला, बालबालिका तथा परिवारका लागि एक सुरक्षित एवं आरामदायी पारिवारिक रेस्टुरेन्ट चेनमा परिणत गरिन्। यससँगै व्यवसायको आम्दानीलाई ५०० करोड रुपैयाँ भन्दा माथि पुर्‍याइन्।

महिला सशक्तीकरणस् सामान्यतया रेस्टुरेन्ट व्यवसायलाई पुरुषको वर्चस्व भएको क्षेत्र मानिन्छ, तर दीपिकाले आफ्नो कर्पोरेट युनिटमा महिलाहरूलाई अगाडि बढाइन्। आज उनको कर्पोरेट युनिटमा मात्रै ८०-९० जना महिलाहरू अबेर रातिसम्म क्यास काउन्टर सम्हाल्ने जस्ता महत्त्वपूर्ण भूमिकाहरू पूर्ण सुरक्षाका साथ निभाइरहेका छन्।

भान्साबाट निस्कियो स्किनकेयरको फर्मुला

जुन कुराहरू हाम्रो खाना र शरीरका लागि राम्रा छन्, ती छालाका लागि पनि उत्कृष्ट हुन्छन् भन्ने सोचका साथ दीपिकाले आफ्नो फूड बिजनेसको अनुभवलाई ब्युटी सेक्टरसँग जोडिन्। यसका लागि उनले बेलायतको एक प्रतिष्ठित संस्थानबाट एडभान्स कस्मेटिक फर्मुलेसनको कोर्स गरिन् र आफ्नो स्किनकेयर स्टार्टअप डिप्सी लन्च गरिन्।

धनियाँबाट तयार भयो प्रोडक्ट

मल्ली मल्ली, उनको पहिलो र सबैभन्दा लोकप्रिय प्रोडक्ट हो, जुन एउटा हल्का मोइस्चराइजर हो। यसलाई भान्साको मुख्य सामग्री धनियाँको पात र आँपको बटरबाट तयार पारिएको छ।

दीपिकाको उद्देश्य ती मानिसहरूका लागि उत्कृष्ट प्रोडक्ट प्रदान गर्नु हो, जो आफ्नो अत्यन्तै व्यस्त जीवनशैलीका कारण स्किनकेयरका लागि घण्टौंसम्म समय निकाल्न सक्दैनन्। उनको यो प्रोडक्टले मात्र ५ मिनेटमा मल्टिस्टेप रुटिन जस्तै प्रभाव देखाउँछ।

बिजनेस वर्ल्डको नयाँ रोल मोडल

एउटा ठूलो र परम्परागत व्यापारिक घरानामा आबद्ध भए तापनि दीपिकाले केवल आफ्नो पारिवारिक पहिचानमा मात्र निर्भर रहनुको साटो आफ्नै क्षमतामा विश्वास गरिन्। एउटा साधारण पृष्ठभूमिबाट निस्किएर कर्पोरेट जगतमा यति ठूलो सफलता हासिल गरेकी दीपिका नागासामी आज देशका लाखौं युवा युवती र महिला उद्यमीहरूका लागि एक साँचो रोल मोडल बनेकी छिन्। -नवभारत टाईम्सबाट